понедельник, 26 января 2015 г.

Нырысетӥ инты

Кемалась ик ӧвӧл Ижкарын "Наш Дом"лэн интернет фестивалез ортчиз (Филармониын). Азьлон вал кастинг... "Кизили Зор" ортчиз сое.
Нош мукет нуналаз вал онлайн-трансляция, куарасётон. Ми туж тулкымъяськыса витим, ку вералозы вормисьёсты. Тани 19:00. Ми пырим залэ. Кылзыса пукиськом...
Тани 2-3тӥ интыосты веразы... "Кизили Зор" отын ӧвӧл...
Пукиськом, шумпоттэк ни. Иии... шуо:" Образцовый вокальный ансамбь "Кизили Зор" "
Всё. Ми лӧптэмынэсь! Чир поттыса кесяськиськом. Огкылын вераса, взрыв эмоций. Бурдъёс кадь кылдӥзы, сюлмын тыл ӝуа, со тыл  вирэн ӵош ветлэ но, быдэс мугор юзыр-кезьыр луэ. Мар соку ваал. Мар ваал!!!
Туннэ ни 05.02.15. И тодскоды а мар? Толон веразы, ми,пе, Екатеринбурге мынком 9.02. !!!!! Остоо *-*

Кинлы тунсыко потоз, учке :)
Вконтакте группа http://vk.com/ifestival

четверг, 22 января 2015 г.

Ураа.

Таа-да-а-ам!  Кин тодоз ма али киям? ;)  Вамыш газеет, о-о!!!  Мон шудо! Мон туууж шудо! Кыкэтӥ бамзэ йырин уллань ке но печатласькем, мон ШУДО!
Мон кема вити электрон газетэз принтэрен печатланы. Тани туннэ НАКОНЕЦ- ТО быгатӥ! Али сюлмы огыр-бугыр. Тылгизьыос отысь пазьгисько *-*
Табере мон та газетэз утьыса возё. Али поно файл пушкы, но портфолиоэ поно. Вот так вот ! :Ъ   Мынам пичи нырысетӥ вамыше журналистикае. Мон Шудо ^-^
P.S. Машалы люкиськыкумы ӟеч кылъёс вераны ӧй вутты бере, гожто татчы.
Так вот...
Маша, вань сюлмысьтым ТАУ шуисько, тунсыко но визьмо дышетэмед понна. Тынад дэмланъёсыд, шуныт кылъёсыд котькулы йырам, сюлэмам пыӵазы. Мон малпасько вал, стастьяос гожъяны - со мӧзмыт, нудно, шуыса. Нош тон усьтӥд мыным та удысэс мукет палтӥз. Мыным кельшиз гожъяны(та дырозь мон гожъясько вал кылбур гинэ).
Али мылкыды вань гожъяны статьяос но. Марайко, тау ваньмыз понна. Мынам бурдъяськем мылкыды - тынад емышед. Мон тонэ яратӥсько но гажасько ❤


четверг, 15 января 2015 г.

Ваньмон дыр.

Туннэ дас витетӥ толшор. Дас вить час куамын тямыс минут.
    Ура, наконец-то мынам вань дыры шутэтскыны ӧжытак. Ӵуказелы гуртын уж ӧвӧл ^^
  Толон арня ортчиз, кызьы мон бертӥ Вамышысь. Ну нокызьы но та лагерь йырысьтым но, сюлмысьтым но уг поты. Весь малпаськисько. Уйин кӧлыны выдыкум но, синъёсме кыньыса, пеймытысь пото : 3тӥ корпусмы, холл, кыкетӥ этаж, паллян крыло, но 20тӥ комната. Вӧзам мусо эшъёсы, серекъямзы, но чупырга-Кадрова! :)
Комнатае пыре ке вал, комната ик лулъяське. Нош гуртын ма... Школа, гурт, гурт, школа. Куд-ог дыръя репетиция. Гуртын эшъёсы: 4 сэрег, вотэс но мон. Туж "шулдыр"...
   Я, ӝожез сярысь тырмоз. Туннэ 15тӥ толшоре, одноклассница-кыктоослэн вордӥськем нуналзы :)  Толон кузьым утчаны, шумпотыса верано, кема ик дыр ӧз кошкы. Кузьыме вал кык пель угыос... Учконо ке, одӥг кадесь. Нош умойгес учкид ке, сяськаосыз пӧртэм буёло. Огшоры мон соосты ӧй басьты. Мынам вераме потэ вал вот мар: соос кыктоос уг, соин ог-кадесьгем, сузэръёс - матын адямиос(пель угылэн вылтусыз). Нош зэмзэ ке, соос кык пӧртэм нылашъёс (сяськалэн буёлэз).
   Вот кыӵе малпанэ мынам вал *-*   Та нылашъёс лякыт сямоесь, мусоесь. Мон соос сярысь уродэз вераны уг быгатӥськы :) Мон соосыз туж яратӥсько ❤   Оло, тае уз ке но адӟе, мон уг куректы ^^
   Али малпасько изьыны ӧжыт, малы ке шуоно, уг тырмы кӧлонэ. Собере кык мартышкаосы вуыны кулэ❤  возьмасько ни :)
Таин туннэлы тырмоз!

пятница, 9 января 2015 г.

Вамыш. Дыр вуиз малпанъёсты кисьтыны.

Тани 7 толшоре ыйлпумъяськиз "Вамыш" лагерлэн сменаез.
Мон татчы кык пол вуылӥ ни. Кылем арын сямен, выльысь "Вамыше" сюлэмылэсь пичи пырызэ кельтӥ.
   Жаляса верано, ваньмыныз умой-умой тодматскыса ӧй вутты. Озьы ке но, вамышчиос, тӥ ваньды-ваньды сюлэмам кылиды ❤
   Таяэ арын мон вал Печатное СМИ отрядын.
   Дышетсконъёсмес нуиз Маша Векшина, яке Марайко. Занятиосын мон нырысь мазэ созэ ӧй вала, малы ке шуоно, туж изем потэ вал. Луоз шуыны мон занятиос дыръя в полудрёме вал. О-о, возьыт. Но озьы ке но, Машалэсь верамъёссэ пелям поныны тырши ик. Пайдаё туж луизы. Тау, Маша ваньмыз понна. Зэмзэ вераса, мынам мылкыды ӝутӥськиз  ёросысьтым газетэ печатласькыны. Дышетсконъёс шуг ӧй вал, малы ке шуоно, Маша милемыз сокем зол нагружать ӧз карылы. Котьку но жаля вал. "Э,куанеръёсы" шуэмез но небыт пальышамез али но пель сьӧрын кылӥське, син азе пуксе. Кӧт туж куректэ, кошкыкумы "Ӟеч" шуыны, ӟыгыртыны но ӧй вутты, таукарон кылъёс но ӧй вера...
   Марайколэн юрттӥсез вал пичи мусо ненег Настя Тутаева. Туж сюлмо нылашик.
Мон сое трос ик адӟылыса ӧй ке но быдты (кураторъёс котьку малы ке дасясько вал), огонёкын соин туж умой вераськылыны вал. Сюлмысь сюлме. Изьыны ик лякыт луылӥз.
    Йырдэс кур эн каре, куддыръя "тӥ" шуыса вазьылӥ ке. Сыӵе анай-атайлэн воспитать каремез. Куремдыя "тон" шуыса ик вазьылыны выри, секыт ке но вал. Кыл мукет сямен кошке.
    Печатной СМИысь нылашъёс.  Пӧртэм комнатаосын улоннамы трос тоже ӧм вераськылэ, занятиосын да вожвылъяськонъёсын. Кристина сярысь мукет вераськон, со мынам яратоно сеструхае (Кристина, ну тон валад...). Нылъёс, озьы ке но тӥ но мынам сюлэмам. Мон тӥлесьтыд мӧзмисько. Вообще классный адямиос тӥ. ❤ ❤ ❤
     Вывод: кылем арын кадь, "Вамыш" кылдытӥз выль семья.

Ачим сярысь. Мон та смена куспын асме выль сямен устьӥ. Мон воштӥськи. Тыбырам бурдъёс,оло, будӥзы. Но мон воштӥськи. Психологически будӥ. Лариса Васильевналэн тренингъёсыз юрттӥзы
   Та лагерын вал туж кема возьмам пумиськон. Бен, бен. Со тон сярысь, Кадрова эш ❤
Сюлэм ик каньыл луиз, ку тон мыным вазид парк дорысен. Осто, мар соку пушкам турске вал. Фейверк пуштӥз, о-о. Ну мон  верантэм шумпотӥ❤   Еще одӥг комнатаын улӥм. Таяз кык часозь зульыса ӧм ке но пуке, тон тодӥськод, мар вал кыкетӥ нуналаз уйин :D   Автобусын, бертыкумы, синвуэ но тон поннад вияз. Янгыш чик но уг кариськы. Малпаськыны кутски, ку гинэ табере выльысь адӟиськом шуыса....Но соку ик синвуос асьсэос потӥзы. Мон тонэ яратско❤
   Возьытэ усё, ӧй ке гожты али Кондратьева Ксюша сярысь. Та пичи котьку пальышась нылаш мыным туууж бадӟым юрттэт сётӥз. Поддержка. Мон сыӵе шумпотӥ. Сыӵе каллен ӟыгыртэ вал, шуныт кылъёс вера. Мон таӵе дыръёсы просто шунасько вал. Тау, тау, тау бадӟым-бадӟым!!!❤
  









P.S. Моннаконец то басьтӥ аслым #шундыфутболка *-*