Туннэ вообще сыӵе ӝыт "крутой". Кыкетӥ пробкаын сылӥськом ни. Хотя кемалась куноын луыны кулэ.
Фура выж вамен луэм. Пескотряс лыктӥз. Вань водительёс нервноесь. Кӧшкемыт сурэд... Час сылӥськом ни. Кыкнапалаз полосаосын тууууж кузь рядэн машинаос.
Мынам аслам лулы потэ ини.
Та нунал вунонтэм луоз
Туннэ школаын ортчиз "Дышетӥсьёслэн нуналзы". Мыным шуд усиз дышетӥсь-дублёр луыны. Дышетӥ мон 2б классэз.
Урокъёс азьын туж кышкай вал, кызьы нунал ортчоз шуыса... Пиналъёс но тодмотэмесь. Малпасько кызьы тодматсконо соосын, ма верано... Ужаны быгато-а, уг-а...
Гырлы жингыртӥз но, классэ пыри. Сюлмаськонэ соку ик ышиз. Шорам сомында синъёс учкко паймыса но пальпотыса. Соку ик валай - ми таосын тупалом. Кызьы ке тодматским но, 4 урок ӵоже туж умой ужам.
Пиналъёс сыӵе зӥбытэсь вылӥллям (ас классме ик тодам ваи, уго ми но туж зӥбытэсь вал). Огшоры вераса, туж ӟеч, мусо но визьмо пиналъёс.
Мыным яраз соосын ужаны. Но зэмзэ вераса - мон жумми. Шуг дышетӥсь луыса ужаны. Соин ик мынам вань дышетӥсьёслы сӥземе потэ кужым но туж бадӟым чидан.
P. S. Жуммем дышетӥсь- дублёр :D
Туннэ берпуметӥ урокысь золтӥзы. Кытчы, малызэ ӧз вералэ. "Аверкиева, ойдо ӝоггес дӥсьтэ кут!" - кеськиз дышетӥсь.
Районной бибилиотекае мынӥськом вылэм. Вуим, пырим актовый залэ. Пукси пукон вылэ но, маке тодмой йыр кадь адскиз... Ну малпасько, со-а, ӧвӧл-а?.. Паллян пала ӧжыт гинэ берытскиз но... сюлмы тэтче ни вал, лэся. СО вылэм!!! Котков Алёша!!!
#шундыкар лагерысь ӧнерчие! Сыӵе шумотӥ, адӟи шуыса! Кызьы веран ик уг валаськы!
Мероприятие бырем бере ми соин ӧжытак вераськем карим. Туспуктӥм.
Вот, ява, ноку но уд тоды кинэн адӟиськод. Таӵе возьмамтэ адӟиськон сомында шумпотон ваиз.
