понедельник, 14 декабря 2015 г.

Вуюись

Мон гожтӥ ни вал пичи гинэ пост, ӟуч кылын. Мынам потэ удмуртэн.
Хотя, кутски ни вал гожъяны, но жаляса верано, мон кырыж ки. Пост ӵушылӥськиз.

10-12тӥ шуркынмонэ Дзержинецын ортчиз "Вуюись" семинар.
Та нуналъёс ӵоже мон басьтӥ но муромытӥ тодон-валан, кудъёсыз одно уз луэ мултэс улонын. Тау тренингъёс понна Ларисалы но Ольга Витальевналы.
  Адӟылӥ эшъёсме, тодматски тунсыко адямиосын, басьтӥ  кужым кутскыны выль ужёс борды. Котьку сямен ик, "Шундылэн" мероприятиосыз вдохновляют ☀
   Мыным ваньмыз кельшиз! Тау Ольга Алексеевналы но "Шунды" организациялы таӵе мероприятиез радъямез понна

воскресенье, 16 августа 2015 г.

Шундыкар-2015

Ну, мар... дыр вуиз лулме "кисьтыны"
Кутском заявка вылысен... Положениез мон мае ик адӟи вал... Но умойтэм удмурт кылын заявкаез валаса, мон малпай сётоно вить пӧртэм жанръёсъя ужъёс...
Туж кема турттӥ соосыз гожъян. Берло, гинэ, 12 гудырикошконэ, мон адӟи ӟуч гожтэм заявка. И монэ шуккиз. Мон огшоры сомында дыр быддтӥ шуыса. Ведь заявкае яра вылэм одӥг жанрен ужъёс ыстыны Мар соку монэн луиз - кӧшкемыт. Жугеме асме потэ ни вал. Ну, ярам. Заявка ыстӥ берпуметӥ нуналъёсаз. Малпанъёс кылдӥзы "Уг ни сюры" шуыса... Но вити. Туж вити.

И тани список! Литература отряд... ура! Мон списокын!!! Соку ик будӥзы бурдъёс.
Кык-куинь нунал ортчыса, мыным жингыртӥз вожатое. Августина. Куараезъя ик валай - ми соин тупалом.

Кутскиз дасяськон. Медосмотр. Страховка лэсьтон, дӥськут но пӧртэм арбериос бичан.

Тани кылиз одӥг нунал... ӝыт. Мон бер изьыны выдӥ (контактын "Женский батальонэн" веркським).
Ӵукна. Бурдо мылкыд. Кӧт пушкын бубылиос... вуим "Русский Дом" доры. Адямиез ӧвӧл на. Час ортчыса люкаськыны кутскизы. Тодмо ымныръёс, ӟыгыръяськонъёс, шумпотон... Вуи отрядэ доры. Кык тодмо нылъёс. Карина но Женя.
  Автобус, вырӟиськом... Тодмо сюрес. Ӝоген вуим интыямы. Радъяськон.
Ух ты... мон шеди со корпусэ ик.... так... со комната ик! Вау!!! Валес но интыяз. Круто.
11 нылъёс отрядысь-ваньмы одӥг комнатаын.
Кутскизы лагерь нуналъёс. Соос вал аспӧртэмесь:  секыт нуналъёс но, разгруженной но. Нырысь нуналъёслы мыным потӥз мӧзмыт. Кылем арлэсь  нырысетӥ впечатлениос мур пытьы кельтэмен-а,мар-а...  Но соку, куке нуналъёс ичи но ичи кылё, тон валаськод, что та смена но вал аспӧртэмлыко. Со но кельтӥз ас пытьызэ сюлэмад.
     Тон мӧзмӧд офигенной Кариналэсь, кудӥныз ми вечно яратӥськом мар ке но обсуждать карыны. Мӧзмод ненег, мусо, капчи мылкыдо Женялэсь, кудзэ кынмыкуз мон котьку но ӟыгыртӥсько вал. Мӧзмод  паймымон Машалэсь,(кудзэ мон котьку Марина шуисько вал, но со ӧз тышкаськылы. "Мыным кельше", шуылӥз), кудӥзлэсь котьку льӧль тыл но шуныт кыстӥське. Сыӵе адямиез адӟылэм ӧй вал на. Шуныт, югыт, бадӟым сюлэмаз котькинлы шедёз инты. Мӧзмод югыт мынясь Лиялэсь. Чебер, ненег куараезлэсь, кудзэ нырысь ик ӵукна кылӥськод вал(угось, валесъёсмы артэ). Мӧзмод бадӟым, чагыр, печальной синъёсын Мариналэсь. Кызьы гожтӥж Женя, зэм но, солэн синъёсаз выйод... Кык паськыт зарезьёс кадь. Мӧзмод заводная, тунсыко куараё Пелагеялэсь. Чёткий нылаш. Мон солы синмаськыса кыли. Мӧзмод,нырысетӥ учкыса, вӧстэм Аделиналэсь-энергетической комоклэсь. Скрипкаезлэсь. Мӧзмод кузь йырсиё Юлялэсь, серьёзная Алёналэсь, лэчыт кыло Юлялэсь.
    Мӧзмод супер ӧнерчилэсь - Богданлэсь. Мыным туж паймымон вал сое сыӵе вӧстэм адӟыны, сыӵе серьёзной. Дышетэмез валамон но пайдаё вал. Со понна тау. Августина. Нырысьсэ сыӵе паймымон адямиез адӟи. Со туж визьмо. Милесьтым трослы ик бадӟым ке но, туж юрттӥсь советъёс сётъяз. Милям "апаймы" со вал, а не вожатой. Мон сое туж яратӥ.
   Мӧзмод эшъёсыдлэсь. Ксюша Кондратьева - тон просто космос! Мон тонэ яратӥсько. Сыӵе поддержка котьку сётӥськод, мон паймисько. Сюлэмы шунаса вияны ик дась.
Аня Корепанова. Заводная нылашка. Пальышамед туж заразительной!
   Ог кылын, Шундыкар не может не кельшытэк. Просто сое дырыз-дыръя валано. Котьку сямен ик, та лагерь кузьма мыным бурдъёс, улыны-шоканы ик капчи луэ. Удмурт лагерь. Единственный в своём роде. Со ик юрттӥз мыным шедьтыны асме, аслэсьтым сюресме. Табере мон тодӥсько, мар кулэ мыным та улонын.
  Шундыкар-со семья. Отчы ветлыса, тон котькудӥзлы кельтӥськод ас сюлэм пырыдэ. Тодмо-а тон со нылпиен,ӧвӧл-а. Луысал ке, мон ветлысал та лагере дугдылытэк. Но тани скоро 18 арес. Оло, вуоно арзэ берпуметӥ ветло. Сюри ке. Оло, таиз вал берпуметӥ сюресэ та лагере
  


понедельник, 8 июня 2015 г.

Уйин вуылӥсь малпанъёс.

Уйин, изьыны выдыку, котькинлэн,дыр, аслаз малпанъёсыз йырын бергало...
   Монэ но уй малпанъёс "палэнтӥ уг ортчо".

Валес вылэ выдӥськод: "Ну, мон туннэ жумми, изё ке изё ни"...  Ы-ы. Шумпот. Йырвизь сие: "Тон ма, Шундыкаре уд дасяькиськы-а мар-а? Учкы, туннэ N-ой число ни! Бере кылёд ук!"
   Кытысьтке пуш куара:"Мозг, тон шузимид шат?! Шедьтэм ку напомнить карыны. И, собере, ачид нокыӵе малпан уд сётӥськы!!! Со сяна, мон кылбурен гинэ вырисько. Прозаен кусып уг шедьтӥськы. Нош отчы ВИТЬ ПӦРТЭМ УЖ кулэ!"
   Лул сайка: "Ну, тӥ маар?  Мыным со напоминалкаостытэк но урод >_<  Тодскоды ук, вуэме лагере потэ шуыса. Мынам музае пегӟемын. Чалмэ ни! Ой, всё..."

И вот. Час пала та диалог кыстӥське на...  Куке соку ваньмыз чалмо... Синкаш-занавесъёс пытсасько. И та-даам. Мон вуисько уйвӧт дуннее..

вторник, 2 июня 2015 г.

Гужем

Кыӵе кемалась мон блогме ӧвӧл гожъяськем ни...

Гужем нуналъёс вуизы. Школа, экзаменъёс(переводной) табере кыдёкын ни.

   Оло, мон "пересьмисько", оло мар, но гужемлы малы ке, азьлон кадь, уг ни шумпотӥськы. Мынам юан: КЫЗЬЫ МОН ОРТЧЫТОМ ТА КУИНЬ ТОЛЭЗЕЗ?! Ну, валамон: бакча, турын дасян. Но ведь со сяна но мар ке кулэ на..!
    Али тани кыкетӥ гужем нунал гинэ. Мыным нош потэ кык арня ортчиз шуыса.   Таӵе мӧзмыт гужем кутскон ӧй вал на. Еще висьыны кутски(кин бен озьы, мон сяна, быгатоз !..). Висьыса но, висьытэк но, пыласькыны пырай. Шуре. Итае.
      Итае васькаса, чорыгаме потыны кутскиз. Чорскисько но, оло мынозы, оло уз. Адӟом ни.



суббота, 14 февраля 2015 г.

Екб

9.02.  "Кизили Зор" вуллӥз Екатеринбурге. Эграысь 21:00 потӥм. Балезиноын 00:00 часэз витим. Поездэ пуксим. Мыным тунсыко потӥз( та дырозь поездэн ӧй на ветлы вал:-D ). И татысен кутскизы приключениос.
   Пырыкумы ик кавказ пияш шуласа "пумитаз". Я, интыяським. Табере со дорамы вуиз. Вераськыны кутскиз. Нокин солы уг вазьылы. Мар,пе, тӥ чебер нылъёс уд вераськиське монэн? Чалмыт. "Яра-а вӧзады пуксьыны" шуыса юаз. Ваньмыз конечно против вал, озьы ик шуим. Нош со дото наглой. Озьы но пукисз, таӵе кылъёсын: "Мон кавказ пияш, нокинлэсь мненизэ уг кылзӥськы. Мон сюлэмме гинэ кылзӥськисько". Солэсь ваньмызлы урод ни. Нылъёслэн дӥсьсэс но воштэмзы уг луы.
Одӥг нылашлэн коллективысь ик анаез сьӧрамы мынӥз на вал. Со пияшез уговорить кариз, мед кошкоз шуыса. Кошкиз. 10 минутлы >_<
Кема ветлӥз на озьы, пока нылашлэн анаез ӧз кышкаты сое полициен. Озьы ик кулэ солы.
   Таре мон кышкаса уйме кӧлыны ӧй быгаты. Ӵем сайкалляй. Сыӵе чебер интыосты адӟи *=*   Перьмын,кадь, со вал. Тууж паськыт шур. Котькытын яркыт тылъёс.
10.02
Екатеринбурге вуим 9 часэ кадь... Вокзалы тууж чебер вылэм :) Витим 10 часозь автобус и наконец то ширтӥм ДК-е. Кутскиз переполох. Репетиция. Сиськон. Мон тууж жумми. А еще выступать ӧм на каре (а еще мон изьымтэ на). Я, вуиз 18:00 час. Кутскиз концерт. Чаляк ортчиз. Кошкимы выльысь вокзалэ. Отын час пала витим поезд, пуксим. Наконец-то умой попутчик шедиз:-D   Востэм пияш сыӵе ^^ 
Жуммем вылэ но кышкаме ортчемен та уйзэ мон кулэм адями кадь изи :-D   
11.02
8 часэ ӵукна ми вуим Балезиное. Татысен приключениос быризы. Та-дам.
:-D

суббота, 7 февраля 2015 г.

Тыныд.

Тани куинетӥ ар ни, кызьы ми тодском ог-огмес. Кыкетӥ ар, кызьы ми тонэн эшъяським. Мон чик ӧй малпа вал, озьы луоз шуыса. Кинэн ке дас ар ӵоже ӧй эшъяськы, кызьы тонэн эшъяськи кык ар куспын.
    Ми туж пӧртэмесь, но со дыре ик ог-кадесь. Мон- нылаш,тон- пияш. Ог-огмес валаськом. Кин ке шуоз - нылэн пиен вискын эшъяськон уг луы! Нош мон солэсь ымзэ скотчен лякыса, верало мукетсэ. Мон пичи дырысен пиос пӧлын будэмын-шудэмын.
   ... Мон шумпотӥсько улонам пыремедлы, тон кадез эш ноку уз луы. Тон ВОШТОНТЭМ. Тодад вайыса ул.
       Мон шумпотӥсько, куке тон мынэсьтым юрттэт куриськод. Коть бер уйин, коть вазь ӵукна, сюлэмдэ буйгатон понна жингыртӥськод, яке гожтӥськод ке, мон чик уг йыркуръяськиськы. Мон котьку дась тыныд юрттыны, яке огшоры кылзыны.
        Мыным туж приятно, куке жингыртӥсько тыныд, ойдо адӟиськом шуыса. Нош тон вань ужъёстэ куштыса, ӟар кезьытэн но лыктӥськод :) Мукетыз,оло, шуысал:" Тыныд кулэ - тон ик лыкты"
        Дыръёс воштӥськизы, кыкнамы пӧртэм интыосын дышетскиськом. Мон мӧзмисько тынэсьыд, тодскод, вераллясько:) Адӟиськон - тужгес но бадӟым шумпотон. Сюлмы но буйгатске :)  Али ке но, кӧт висьымон серекъяны тонэн гинэ луэ. Тон мыным агай кадь.

Малы мон ваньзэ гожтӥ? Огшоры мынам потӥз, тон мед тае тодод шуыса. Мед валалод, кыӵе тон дуно адями.

Балбесэлы сӥзьыса.
07.02.15       23:13

вторник, 3 февраля 2015 г.

Куинетӥ тулыспал. Продолжение.


Ну мар... Ветлӥ,пе, буяськыны лыз краскаен :-D
Йырсиме обесцветить карыкузы йырсие вож-вож луиз.
Али гуртын ни, тоникен вож буёлзэ утялтӥсько.

P.S. Йырсие вож луиз шуыса уг жаляськы:)  Изумруд буёл сыӵе... чебер :)  Да и всё равно мон лыз тоникен быддтӥсько ни :-D

Туспуктэмын умой уг адскы